Skip to main content

PIANSAKNA THU


Laisiangtho a bupi in i tel ding, Pasian kammal hi ci'in i sang theih na ding pen Piancilna sung a Pasian piangsakna thute i tel na leh i sang theihna tung ah ki bulphut ahi hi. Piancilna laibu i telna tawh kizui'in, Pasian kammal tungtawn'in i leitung muhzia zong hong ki lamdang ding hi.
Piancilna thu in bang thute hong pulak khia hiam cih leh:
  1. Kua in van leh lei piangsak hiam?
  2. Bang hang'in piangsak hiam?
  3. Piancil'in van leh lei a pianzia bang dan hiam?
  4. Bang hang hih lei tung hi bang'in om a hiam?

Atung a dotna teng Piancilna in hong dawng ahi hi. A ban'in Piancilna in van leh lei a piangsak pasian khat om hi cih hong theisak in, mawhna hang'in mite'n piangsak Pasian mangnglih in pasian tuam tuam biakpiakna a piak uh hang'in, Piangsakpa Pasian in mawhnei mite pampaih lo'in, lung sau tak'in a pan pih a, amah mah mite'n a biak theih na ding hilh'in, vantung leh leitung piansak Pasian a biak theih kiik na ding a panpihna leh a lamlakna thu Piancilna in teci pang ahi hi.
Leitung muhna leh upna tampi in vantung leh leitung bang dan in hong piangkhia'in, bang hang'in hi bang a sia'in, bang dan'in hong hoih kiik thei ding hiam cih pen hilh ciat uh hi. Ahih hang, piancilna in bang hilh hiam cih leh vantung leh leitung Pasian in piangsak hi ci'in hilh hi, a piansak in zong "hoih mah mah hi" ci hi [Piancilna 1:31]. Piansakna pan'in Pasian in 'limlemeel neilo, a awngthawlpi ahi, khua mial bibek' pan'in mite nuntaak theihna ding, ahoih mah mah, nuntaakna a piangthei, a pongthei leitung ahi thei ding'in Pasian in piangsak hi ci'in hilh hi. 

Pasian piansak leitung ah mipa leh minu'in nopsa in piangsakpa Pasian tawh holim'in nunta hi ci'in hilh beh lai hi. Ahih hang, Adam leh Eve in Pasian thu manglo in, langpang pa ahi Satan in mite hong zawhna hang'in Pasian tawh mihing te kizopna hong susia'in, Pasian'in a bawlsa leh piangsak nateng khempeuh mawhna hang'in hong susia gawp a, mihing te lungsimngaihsutna sung ah zong siatna hong luut ahi hi [Piancilna 3; 4-6].
Leitung ah siatnate hong luutna pen, Pasian bawlsa leh piangsak na pan'in akicing loh na hang'in hong piang khia hilo a, mihingte Pasian langpan na hang'in siatna, mawhna leh sihna hong luut ahi zaw hi.


Pasian langpan na hang'in, mite leh piangsak Pasian kikaal laitatna hong tung'in, mihing te Pasian tawh gamla sem sem na hang'in Pasian a om lam leh Pasian i thu neihna tel thei nonlo hi. Pasian tawh gamlakna hang'in mai zumna, Pasian leh mite khatleh khat kikaal kizopnate kisia a, sihna leh Pasian piangsak nuntaakna nei te kikaal kitaakna te hong luut ahi hi [Piancilna 3:7-19].

Mawna hong lut hun pan kipan, Pasian'in piancilna tangthu sung pan kipan tu hun dong mihingte leh amah [Pasian] kikaal a kisia kizopna te a hoih kiik theih nading Top Zeisu tungtawn'in na hong sem ahi hi. Pasian honkiat kiik mihing te pen piang thank mite hi a [Galati 6:15]; Zeisu tungtawn in, tawntung nuntaakna mihingte khempeuh a'ding hong ki hong ahi hi. 

Vantung leh leitung a piangsak Pasian in ni khat ciang'in vantung leh leitung thak hong bawl thak kiik ding ahi hi [Isaiah 65:17-25; Roma 8:19-22]. Vantung leh leitung khempeuh Pasian'in hong bawl thak ding hi [Mangmuhna 21:1].

Lai-at: Steve Mung Munsuang 
Mobile Numbat: +61474 824 168
Email: admin@laisiangthothuman.com
Facebook page: https://www.facebook.com/laisiangtho.thuman/ 
Blogger: https://laisiangthothuman.blogspot.com.au/

Comments

Post a Comment

Popular posts from this blog

BANG HANG LAI SIANGTHO SIMTEL DING THUPI HIAM?

Lai Siangtho simtel ding thupi hi bang hang cih leh Lai Siangtho pen Pasian Kammal ahi hi. Lai Siangtho I hon ciang, Pasian’in hong gennop thu a sim hi hang. Vaan leh lei a bawl Pasian in hong gennop thu teng i sim sang a thupi zaw bang om ding hiam? Lawm ngai khat in a ngaih mah mah khat i lai khak kin tak leh lungluut tak in a sim mah bang in lai singtho lungngai tak in i sim ding hi.  Matthew 23:37 ah bang gen hiam cih leh Pasian in ami te it ahih manin amah tawh ikizop kiik ding ngai hi. Tua ahih manin Pasian in amah bawlsa mite a itna leh a gupkhiatna thu a theihsak nading a Lai Siangtho hong pia hi (Johan 3:16; 1 Johan 3:1; 4:10). G alkap te’n galkap ukpipa sawlna a telnop bang in Pasian deihna i telnop ding kisam hi. Thu tel lopi, kizui thei lo hi. Pasian sawlna i zuihna hang’in Pasian’in minthanna neih nading leh amah deihna tawh kizui in i nuntak nading hi (Late 119). Pasian hong sawlnate Lai Siangtho ah kimu hi (Johan 14:15).  Lai Siangtho...
Post a Comment
Read more

A PHA LEH A SIA THEINA SINGKUNG

A deihhuai, nek dinga a hoih singkung nam khempeuh, huan laizangah nuntakna singkung zong, leh a pha leh a sia theihna singkung, lei sung panin Top Pasian in posak hi. Piancilna 2:9 Hih singkung tawh kizui in mi tampi te'n Pasian i nasepnate tel hasa sa mah mah hi. Nungtakna singkung bek om leh, Mipa leh Azi in ze-et thuak lo ding hi cih ngaih sutna ki nei thei hi. Lai Siangtho bulphut a, a tomno khat in hi thu sut nuam ing. Bang hang hiam cih leh, tel siam kei leng, leitung ah mawhna a luut nading Pasian mah mah in vai hawm hi, ci'in Pasian ki mawh sak thei hi. A PHA LEH A SIA Pasian in leitung a bawl in "hoih hi, ci-in a mu hi" ci a Piancilna 1 sung ah na ki ciamteh hi. Ahih hang, mawhna omlohna Eden huang sung ah " a pha leh a sia singkung" Pasian in posak ahih man in " a pha leh a sia " pen i leitung i kipat cil in na a om khit lam kilang sak hi. Tu-in vantungah galkidona hong om a, Mikhael leh a vant...
Post a Comment
Read more