Skip to main content

PIANCILNA 1:1 - AKIPAT CILIN

A kipat cilin Pasian in vantung leh leitung a piangsak hi. Piancilna 1:1
Pasian'in vantung leh leitung bang dan in piangsak hiam? Pasian mah in vantung leh leitung a piangsak mah hiam? Ci'in Pasian thuum mite ahizong Pasian a umlo mite'n hi zong ki dong hi. Pawl khat te'n vantung leh leitung pen puakkhapna khat hang'in piang hi aci tawh, hong piang ziau hi a ci tawh. Pawl khat te'n lah Pasian in vantung leh leitung a piang khiatna ding kipan khia sakin in vantung leh leitung amah leh amah a damdama kum than tampi sawt in hong piang khia hi ci'in um uh hi.

Ngeina leh Biakna tampi te'n zong vantung leh leitung hong piang khiat zia thuhilhna nei ciat uh hi. Ahih hang, Laisiangtho bekin vang lian Pasian, itna Pasian in vantung leh leitung amah iit, mite a'dingin a bawl hi ci'in a gen ah hi. Pasian in bang dan in, hun bangzah sawt in vantung leh leitung piangsak hiam cih i theih ngei loh ding hang'in Laisiangtho in "a kipat cilin Pasian in vantung leh leitung a piangsak hi" ci'in hong gen hi. 

Piancilna 1:1 tungtawn pan'in thu'um mite'n Pasian thu theih ding thute:
  1. Pasian pen vang lianin bawltheipa, bawlsiampa leh a piangsak pa ahi hi. [Kolose 1:16]
  2. Pasian pen a tawntung nunta hi'a vantung leh leitung amah i ukna leh kepcingna nuai ah om ahi hi. [Isaiah 45:12]
  3. Pasian pen piangsakpa ahi a apaingsak nate tawh atuam vilvel in om hi. Amah [Pasian] a paingsak omlo hi. [Piancilan 2:3]
Piancilna 1:1 tungtawn'in ei leh ei i theih ding thu te:
  1. Vang lian piangsak pa'in, bawlsiampa leh bawlthei Pasian in vantung leh leitung hong piangsak ahih man'in eite omna, nuntaakna leitung kaam hang'in apiang hilo cih i theih ding thupi hi.
  2. Pasian i ukna leh kepcingna nuai ah vantung leh leitung om ahih man'in Pasian muang te a'ding, Pasian muang a a kaal suan te'n lungnop takin nungta thei ding hi hang.
  3. Piangsak pa Pasian a bia te'n mangthanna leh sihna kitaak ding omlo hi.
Pasian' kampauna tawh leitung leh vantung piang a, tu-a i muhtheih nate a om nailopi panin hong piang hi, ci-in i upna bek mah tawh a thei ihi hi. Hebru 11:3
Piancilna thu en leng, Pasian in vantung leh leitung piangsak hi cih a um lo te zong upna mah tawh na kal suan uh ahi hi. Bang hang cih leh thu kan te'n hong piang kiik kiik thute tung ah bek thukan thei hi uh a, hong piang ngeinon lo ding thu te tungah thu kan thei lo hi.
Pasian'in vantung leh leitung a bawl lai in [Scientist] khat zong na om nailo ahi. Vantung leh leitung pen hong kibawl kiik nonlo ding ahih man'in thukan theih omlo ahi hi. Leitung mipil te'n Pasian bawlkhitsa nate tung ah thu kan thei bek ahih man'in a thukan nate'n a ciangtan om ahi hi.

Pasian'in vantung leh leitung abawlna kiciantak in a genna khat en leng:
"Bang hang hiam cih leh a ni guk sung tengin Topa in van leh lei, tuipi leh tuate sunga om khempeuh bawl a, a ni sagih ni tawlnga hi. Tua ahih ciangin Topa in Sabbath ni thupha pia-in siangthosak hi. Paikhiatna 20:9-11.
Pasian'in a teeltuam mite tung ah apiak thukham sung ah mah mah i khut tawh suangpeek tung ah a aat thukham sung ah na hel hi.
Tua mah bang'in Mangmuhna sung ah zong Johan in [vaantung mi 3 i taang koh na sung ah] bang na at hiam ci leh "Amah nakpi takin kiko a, “Amah in mihingte thu a khen ding hun hong tungta ahih manin Pasian kihta un la amah phat un. Van leh lei, tuinak leh tuipite a bawlpa hong bia ta un,” a ci hi." [Mangmuhna 14:7]
Pasian thuumte aw, I biak Pasian pen vantung leh leitung a painsakpa Pasian ahi hi. Amah mah bia'in, muang'in, lam'en in, upna tawh nisim-in kalsuan ciat ni.

Lai-at: Steve Mung Munsuang 
Mobile Numbat: +61474 824 168
Email: admin@laisiangthothuman.com
Facebook page: https://www.facebook.com/laisiangtho.thuman/ 
Blogger: https://laisiangthothuman.blogspot.com.au/

Comments

Post a Comment

Popular posts from this blog

BANG HANG LAI SIANGTHO SIMTEL DING THUPI HIAM?

Lai Siangtho simtel ding thupi hi bang hang cih leh Lai Siangtho pen Pasian Kammal ahi hi. Lai Siangtho I hon ciang, Pasian’in hong gennop thu a sim hi hang. Vaan leh lei a bawl Pasian in hong gennop thu teng i sim sang a thupi zaw bang om ding hiam? Lawm ngai khat in a ngaih mah mah khat i lai khak kin tak leh lungluut tak in a sim mah bang in lai singtho lungngai tak in i sim ding hi.  Matthew 23:37 ah bang gen hiam cih leh Pasian in ami te it ahih manin amah tawh ikizop kiik ding ngai hi. Tua ahih manin Pasian in amah bawlsa mite a itna leh a gupkhiatna thu a theihsak nading a Lai Siangtho hong pia hi (Johan 3:16; 1 Johan 3:1; 4:10). G alkap te’n galkap ukpipa sawlna a telnop bang in Pasian deihna i telnop ding kisam hi. Thu tel lopi, kizui thei lo hi. Pasian sawlna i zuihna hang’in Pasian’in minthanna neih nading leh amah deihna tawh kizui in i nuntak nading hi (Late 119). Pasian hong sawlnate Lai Siangtho ah kimu hi (Johan 14:15).  Lai Siangtho...
Post a Comment
Read more

A PHA LEH A SIA THEINA SINGKUNG

A deihhuai, nek dinga a hoih singkung nam khempeuh, huan laizangah nuntakna singkung zong, leh a pha leh a sia theihna singkung, lei sung panin Top Pasian in posak hi. Piancilna 2:9 Hih singkung tawh kizui in mi tampi te'n Pasian i nasepnate tel hasa sa mah mah hi. Nungtakna singkung bek om leh, Mipa leh Azi in ze-et thuak lo ding hi cih ngaih sutna ki nei thei hi. Lai Siangtho bulphut a, a tomno khat in hi thu sut nuam ing. Bang hang hiam cih leh, tel siam kei leng, leitung ah mawhna a luut nading Pasian mah mah in vai hawm hi, ci'in Pasian ki mawh sak thei hi. A PHA LEH A SIA Pasian in leitung a bawl in "hoih hi, ci-in a mu hi" ci a Piancilna 1 sung ah na ki ciamteh hi. Ahih hang, mawhna omlohna Eden huang sung ah " a pha leh a sia singkung" Pasian in posak ahih man in " a pha leh a sia " pen i leitung i kipat cil in na a om khit lam kilang sak hi. Tu-in vantungah galkidona hong om a, Mikhael leh a vant...
Post a Comment
Read more

PIANSAKNA THU

Laisiangtho a bupi in i tel ding, Pasian kammal hi ci'in i sang theih na ding pen Piancilna sung a Pasian piangsakna thute i tel na leh i sang theihna tung ah ki bulphut ahi hi. Piancilna laibu i telna tawh kizui'in, Pasian kammal tungtawn'in i leitung muhzia zong hong ki lamdang ding hi. Piancilna thu in bang thute hong pulak khia hiam cih leh: Kua in van leh lei piangsak hiam? Bang hang'in piangsak hiam? Piancil'in van leh lei a pianzia bang dan hiam? Bang hang hih lei tung hi bang'in om a hiam? Atung a dotna teng Piancilna in hong dawng ahi hi. A ban'in Piancilna in van leh lei a piangsak pasian khat om hi cih hong theisak in, mawhna hang'in mite'n piangsak Pasian mangnglih in pasian tuam tuam biakpiakna a piak uh hang'in, Piangsakpa Pasian in mawhnei mite pampaih lo'in, lung sau tak'in a pan pih a, amah mah mite'n a biak theih na ding hilh'in, vantung leh leitung piansak Pasian a biak theih kiik ...
Post a Comment
Read more