Skip to main content

PIANCILNA 1:2 - LEITUNG LIMLEMEEL NEILOIN A AWNGTHAWLPI AHI HI

Piancilna 1:1 "A kipat cilin Pasian in vantung leh leitung a piangsak hi" ci hi, tua a paingsak vantung leh leitung bang hi ding a hi hiam? Bang hang hiam cih leh Piancilna 1:3 pan'in Pasian in a nasep kipan ahi hi. Tua ahih man'in Piancilna 1:1 a Pasian in a piangsak vantung leh leitung pen bang hi ding hiam cih Laisiangtho sungpan'in kan khia ni.
Piancilna 1:1 - Vantung leh Leitung
Hih thulu tawh kizui in mi tampi te lungbuai mah mah hi a, Pasian bawlsa vantung leh leitung tawh kizui in muhna nam 3 a om a hi hi:
Khuavannuai khempeuh Pasian'in bawlhi cih muhna [Universe]

Ni kimkot planet 8, aksi tuam tuam te aleh kha te bawlhi ci'in muhna [Solar System]
Leitung mite muh theih, nuntaak theihna ahi i vantung leh leitung ci'in muhna [ecosphere] 

Koipen ahi thei pen pen tam cih Laisiangtho tungtuawn in kan ding hi hang.
Job 38:4-7 sim leng "Leitung ka bawl laitakin nang om na hi hiam? Thei kisa na hih leh tua thu hong gen in. Bangcia-in golsak ding cih kua in seh ahi hiam? Kua in a golna ding zah khau khai ahi hiam? Hihte khempeuh thei kisa na hi hiam? Leitung a pua khuampite bang tungah kiphut ahi hiam? Kua in leitung a bulpi phut ahi hiam? Tua ni-in zingsang aksite in la sa khawm uh a, Pasian' tapate lungdamin a kiko uh hi.
Job 38:4-7 i sim ciang bang kimukhia hiam cih leh Pasian in i leitung hong bawl laitakin Pasian' tapate lungdamin a kiko uh hi na ci hi. Tua ahih man'in Pasian in Vantung leh Leitung a piangsak lai tak in Pasian tapate om khin ahih man'in khuavannuai khempeuh Pasian in bawl hi ci thei ding hiam?
Isaiah 14 leh Ezekiel 28 sim leng zong bang ci hiam cih leh "Lucifer akici dawi mangpa in Pasian na langpan khin a, Adan leh Eve a bawlma in leitung ah kilawn khia khin hi ci hi". Tua ban'in Pasian in tui a bawl lam leh tui paingsak hi cihna omla a, tuipen Pasian i ni 6 sung a nasepma'in tui pen na om khin hi.
Piancilna 1:2 - Leitung in limlemeel neiloin a awngthawlpi ahi hi
Leitung in limlemeel neiloin a awngthawlpi ahi hi. Tuipi tung tengah khua mial bikbek a, tua tui tungah Pasian' Kha in na a sem hi. Piancilna 1:2

Piancilna 1:2 tungtawn pan'in bang kimukhia hiam cih leh i leitung pen tawl khat sung mial'in, tui'in tuum in limlemeel neiloin in a awngthawlpi ahih lam ki thei hi. Tua hang'in leitung mipil siamsin te'n i leitung pen suang lui khong pan thu a kan khiat uh ciang kum tann bangzah om khin hiam cih kitheilo hi. 
Piancilna 1:1 leh Piancilna 1:2 kikaal bang zah sawt hiam cih i theih loh man hi. Bang hang hiam cih leh Pasian a'ding ni khat pen ei a'ding in kum 1000 bang hi [Peter Nihna 3:8] a cih mah bang'in Piancilna 1:1 leh Piancilna 1:2 kikaal bang zah sawt hiam cih ki theilo ahi hi.
Pasian i khasiangtho in na asep ciang bang hong piang hiam cih Piancilna 1:3-31 kan beh lai ni.
Piangsakna Thukhupna:
Piancilna 1:1-2 i kan ciang Pasian in i Leitung nuntaakna dim mihing, ganhing tuam tuam, sinkung lopa leh i Leitung bucing tak'in a bawlma vantung leh leitung piangsak hi a cih hi thei zaw pen ding hi. Ahih hang, Piancilna 1:1 leh Piancilna 1:2 kikaal bang zah sawt hiam cih theilo hi hang. 
Piancilna 1:2 pan kipan'in Pasian in Leitung mite nuntaak theih nading'in i Leitung in nuntaakna a nei mi, ganhing leh singkung lopa tuam tuam a om theih nading in Pasian i kha tuipi tung ah nasep kipan ahi hi.
Mihing khat'in na om a, na nunta tak tak hiam? Nuntaakna aneilo, limlemeel neiloin a awngthawlpi bang'in om na hiam? Tui tungah Pasian' kha in nasem ding in aleng mah bang'in na kha nuntaak na'ding in a leng leng hi. Pasian kha i nasepna na sang ding hiam?

Lai-at: Steve Mung Munsuang 
Mobile Numbat: +61474 824 168
Email: admin@laisiangthothuman.com
Facebook page: https://www.facebook.com/laisiangtho.thuman/ 
Blogger: https://laisiangthothuman.blogspot.com.au/

Comments

Post a Comment

Popular posts from this blog

BANG HANG LAI SIANGTHO SIMTEL DING THUPI HIAM?

Lai Siangtho simtel ding thupi hi bang hang cih leh Lai Siangtho pen Pasian Kammal ahi hi. Lai Siangtho I hon ciang, Pasian’in hong gennop thu a sim hi hang. Vaan leh lei a bawl Pasian in hong gennop thu teng i sim sang a thupi zaw bang om ding hiam? Lawm ngai khat in a ngaih mah mah khat i lai khak kin tak leh lungluut tak in a sim mah bang in lai singtho lungngai tak in i sim ding hi.  Matthew 23:37 ah bang gen hiam cih leh Pasian in ami te it ahih manin amah tawh ikizop kiik ding ngai hi. Tua ahih manin Pasian in amah bawlsa mite a itna leh a gupkhiatna thu a theihsak nading a Lai Siangtho hong pia hi (Johan 3:16; 1 Johan 3:1; 4:10). G alkap te’n galkap ukpipa sawlna a telnop bang in Pasian deihna i telnop ding kisam hi. Thu tel lopi, kizui thei lo hi. Pasian sawlna i zuihna hang’in Pasian’in minthanna neih nading leh amah deihna tawh kizui in i nuntak nading hi (Late 119). Pasian hong sawlnate Lai Siangtho ah kimu hi (Johan 14:15).  Lai Siangtho...
Post a Comment
Read more

A PHA LEH A SIA THEINA SINGKUNG

A deihhuai, nek dinga a hoih singkung nam khempeuh, huan laizangah nuntakna singkung zong, leh a pha leh a sia theihna singkung, lei sung panin Top Pasian in posak hi. Piancilna 2:9 Hih singkung tawh kizui in mi tampi te'n Pasian i nasepnate tel hasa sa mah mah hi. Nungtakna singkung bek om leh, Mipa leh Azi in ze-et thuak lo ding hi cih ngaih sutna ki nei thei hi. Lai Siangtho bulphut a, a tomno khat in hi thu sut nuam ing. Bang hang hiam cih leh, tel siam kei leng, leitung ah mawhna a luut nading Pasian mah mah in vai hawm hi, ci'in Pasian ki mawh sak thei hi. A PHA LEH A SIA Pasian in leitung a bawl in "hoih hi, ci-in a mu hi" ci a Piancilna 1 sung ah na ki ciamteh hi. Ahih hang, mawhna omlohna Eden huang sung ah " a pha leh a sia singkung" Pasian in posak ahih man in " a pha leh a sia " pen i leitung i kipat cil in na a om khit lam kilang sak hi. Tu-in vantungah galkidona hong om a, Mikhael leh a vant...
Post a Comment
Read more

PIANSAKNA THU

Laisiangtho a bupi in i tel ding, Pasian kammal hi ci'in i sang theih na ding pen Piancilna sung a Pasian piangsakna thute i tel na leh i sang theihna tung ah ki bulphut ahi hi. Piancilna laibu i telna tawh kizui'in, Pasian kammal tungtawn'in i leitung muhzia zong hong ki lamdang ding hi. Piancilna thu in bang thute hong pulak khia hiam cih leh: Kua in van leh lei piangsak hiam? Bang hang'in piangsak hiam? Piancil'in van leh lei a pianzia bang dan hiam? Bang hang hih lei tung hi bang'in om a hiam? Atung a dotna teng Piancilna in hong dawng ahi hi. A ban'in Piancilna in van leh lei a piangsak pasian khat om hi cih hong theisak in, mawhna hang'in mite'n piangsak Pasian mangnglih in pasian tuam tuam biakpiakna a piak uh hang'in, Piangsakpa Pasian in mawhnei mite pampaih lo'in, lung sau tak'in a pan pih a, amah mah mite'n a biak theih na ding hilh'in, vantung leh leitung piansak Pasian a biak theih kiik ...
Post a Comment
Read more