Skip to main content

A PHA LEH A SIA THEINA SINGKUNG

A deihhuai, nek dinga a hoih singkung nam khempeuh, huan laizangah nuntakna singkung zong, leh a pha leh a sia theihna singkung, lei sung panin Top Pasian in posak hi. Piancilna 2:9
Hih singkung tawh kizui in mi tampi te'n Pasian i nasepnate tel hasa sa mah mah hi. Nungtakna singkung bek om leh, Mipa leh Azi in ze-et thuak lo ding hi cih ngaih sutna ki nei thei hi.
Lai Siangtho bulphut a, a tomno khat in hi thu sut nuam ing. Bang hang hiam cih leh, tel siam kei leng, leitung ah mawhna a luut nading Pasian mah mah in vai hawm hi, ci'in Pasian ki mawh sak thei hi.
A PHA LEH A SIA

Pasian in leitung a bawl in "hoih hi, ci-in a mu hi" ci a Piancilna 1 sung ah na ki ciamteh hi. Ahih hang, mawhna omlohna Eden huang sung ah "a pha leh a sia singkung" Pasian in posak ahih man in "a pha leh a sia" pen i leitung i kipat cil in na a om khit lam kilang sak hi.
Tu-in vantungah galkidona hong om a, Mikhael leh a vantung mite in gulpi leh a vantung mite a do uh hi. Ahi zongin tua gulpi guallel ahih manin tua gulpi leh a vantung mite, vantungah kiom sak nawnlo hi. Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khempa pen a vantung mite tawh leitungah kilawnsuk hi. Mangmuhna 12:7-9

Mangmuhna 12:7-9 ah a piang thute:

Galkidona - Mikhael (Zeisu) leh a vantung mite leh Tanglai Gulpi (Satan) leh a vantung mite.
  1. A Pha: Mikhael (Zeisu) leh a vantung mite in gualzo
  2. A Sia: Tanglai Gulpi (Satan) leh a vantung mite guallel
  3. Guallelte: Dawimangpa, leitung mi a khempa pen a nung zui vangtung mite tawh leitungah kilawnsuk hi.
Pasian in leitung a bawl in "a pha leh a sia" na om khin hi. A om khit hang mah in Pasian in leitung a bawlin "hoih hi, ci-in na mu hi, tua mah bangin guallel gulpi (Satan) in Mipa leh Azi te in Pasian thu a mangloh nading na ze-et pah hi. (Mawhna koipan kipan khia hiam cih thu mailam ciang zom ni)
SUAKTATAKIN TEL THEIHNA

Itna Pasian in, itna tawh thu mangna bek deih ahih man in Pasian in "a pha leh a sia theihna singkung" Eden huang sung ah a posak ahi hi. Mipa leh Azi te in suaktatak in itna tawh Pasian thu mang na ding tel theihna Pasian in a pia hizaw hi.
Topa Pasian in mipa thu pia a, “Na ut utin huan sung singkung gah khempeuh na ne thei ding hi. 17Ahih hangin a pha leh a sia theihna singkung gah pen na ne kei ding hi. Bang hang hiam cih leh tua na nek ni-in na si ding hi,” a ci hi. Piancilna 2:16-17

Itna Pasian in, itna tawh thu mangna leh itna tawh thu zuihna na lunggulh ahih manin Adan leh Eve suaktatakin teltheihna tawh 'robot (setyoke)" ahilo, mi hing ahi ding leh pilvaak tak in tel theihna lungsim tawh hong bawl ahi hi.
Singkung hang in siatna (mawhna) hong lut hilo hi. A pha leh a sia theina singkung gah a nek uh hang zong hi tuan lo hi. A pha leh a sia theihna singkung gah a nek uh hang Pasian tawh kibang tuan lo hi. Pasian itna tel lohna leh Pasian muang lohna tawh thu mang lohna hang in siatna (mawhna) hong lut ahi hi.

Tua ahih ciangin singkung a hoihna, mi a pilsak dingin tua a gah a deihhuaina a muh ciangin, a singgah lo-in a ne hi. Amah in singgah kimkhat a pasal pia a, a pasal in zong a ne hi. A nek khit phetun amaute gel in khua phawk uh a, a guaktangin a omlam uh kithei uh hi. Amaute in theitehte khui tuahin puansilh dingin a bawl uh hi. Piancilna 3:6, 7
Adan leh Eve i telna hang in, si leh sa tawh a suak khem peuh in siatna theihna leh mawh nopna lungsim tawh hong suak ta hi.
Singkung hang hilo a, Adan leh Eve i khensatna leh telna hang in leitung ah hong lut "siatna leh mawhna" a zung pan in a long khia ding leh mawhna nei mi ahi eite hong tan khia ding in Zeisu ei tang a hong si khin hi.
Job 34:4 "Thuman bang hiam cih tengkhia ni. Thuhoih bang hiam cih mukhia ni" na ci hi. Mawh hang in thumanlo tampi hong lut a, thuman leh thuhoih mukhiat ding leh zuih ding haksa sem sem hi.
Tua ahih man in, thuhoih leh thuman i tel theih nading Kha Siangtho Pasian in hong makaih ta hen.

Paul bangin, hong sisak i lungsim lui panin ei hong honkhiazo ding ahi Pasian tung ah lungdam ko ni. I lung sim khensat-teelna tawh muang tak in Pasian thu mang ni.
Kei pen a lungkham mi ka hita hi. Kei a hong sisak ding hih lungsim lui panin kua in kei hong honkhiazo ding ahi hiam? 25I Topa Jesuh Khrih in hong honkhiazo ding ahih manin Pasian tungah ka lung a dam hi. Kei' omzia taktak ahih leh: Ka lungsim tawh Pasian' thu ka zui a, ka pumpi in mawhna a piangsak thu a zui hi. Rom Laikhak 7:24-25

Lai-at: Steve Mung Munsuang 
Mobile Numbat: +61474 824 168
Email: admin@laisiangthothuman.com
Facebook page: https://www.facebook.com/laisiangtho.thuman/ 
Blogger: https://laisiangthothuman.blogspot.com.au/

Comments

Post a Comment

Popular posts from this blog

BANG HANG LAI SIANGTHO SIMTEL DING THUPI HIAM?

Lai Siangtho simtel ding thupi hi bang hang cih leh Lai Siangtho pen Pasian Kammal ahi hi. Lai Siangtho I hon ciang, Pasian’in hong gennop thu a sim hi hang. Vaan leh lei a bawl Pasian in hong gennop thu teng i sim sang a thupi zaw bang om ding hiam? Lawm ngai khat in a ngaih mah mah khat i lai khak kin tak leh lungluut tak in a sim mah bang in lai singtho lungngai tak in i sim ding hi.  Matthew 23:37 ah bang gen hiam cih leh Pasian in ami te it ahih manin amah tawh ikizop kiik ding ngai hi. Tua ahih manin Pasian in amah bawlsa mite a itna leh a gupkhiatna thu a theihsak nading a Lai Siangtho hong pia hi (Johan 3:16; 1 Johan 3:1; 4:10). G alkap te’n galkap ukpipa sawlna a telnop bang in Pasian deihna i telnop ding kisam hi. Thu tel lopi, kizui thei lo hi. Pasian sawlna i zuihna hang’in Pasian’in minthanna neih nading leh amah deihna tawh kizui in i nuntak nading hi (Late 119). Pasian hong sawlnate Lai Siangtho ah kimu hi (Johan 14:15).  Lai Siangtho...
Post a Comment
Read more

PIANSAKNA THU

Laisiangtho a bupi in i tel ding, Pasian kammal hi ci'in i sang theih na ding pen Piancilna sung a Pasian piangsakna thute i tel na leh i sang theihna tung ah ki bulphut ahi hi. Piancilna laibu i telna tawh kizui'in, Pasian kammal tungtawn'in i leitung muhzia zong hong ki lamdang ding hi. Piancilna thu in bang thute hong pulak khia hiam cih leh: Kua in van leh lei piangsak hiam? Bang hang'in piangsak hiam? Piancil'in van leh lei a pianzia bang dan hiam? Bang hang hih lei tung hi bang'in om a hiam? Atung a dotna teng Piancilna in hong dawng ahi hi. A ban'in Piancilna in van leh lei a piangsak pasian khat om hi cih hong theisak in, mawhna hang'in mite'n piangsak Pasian mangnglih in pasian tuam tuam biakpiakna a piak uh hang'in, Piangsakpa Pasian in mawhnei mite pampaih lo'in, lung sau tak'in a pan pih a, amah mah mite'n a biak theih na ding hilh'in, vantung leh leitung piansak Pasian a biak theih kiik ...
Post a Comment
Read more